आईसीसी पुरुष टी–२० विश्वकप २०२६ को छनोट चरण बुधबारदेखि ओमानमा सुरु भएको छ। नेपालसहित ९ टिम सहभागी रहेका यस प्रतियोगिताका सबै खेल ICC.tv मा प्रत्यक्ष निःशुल्क हेर्न सकिन्छ। केही देशमा भने FanCode मा पनि उपलब्ध हुनेछ।
ICC.tv मा खेल हेर्न नयाँ प्रयोगकर्ताले वेबसाइट वा मोबाइल एपमार्फत अकाउन्ट बनाउनुपर्नेछ। पहिले रजिस्टर गरिसकेकाले भने सिधै साइन–इन गरेर खेल हेर्न सकिन्छ।
नेपालले आफ्नो पहिलो खेल बुधबार राति ८:४५ बजे कुवेतसँग खेल्दैछ भने अर्को खेल शुक्रबार दिउँसो ४:१५ बजे जापानविरुद्ध हुनेछ। समूह चरणपछि उत्कृष्ट दुई–दुई टिम सुपर सिक्समा पुग्नेछन् र त्यहाँबाट शीर्ष तीन टिमले विश्वकपमा स्थान बनाउनेछन्।